Традиционална македонска музика, руски, украински и еврејски народни песни, како и познати светски хитови, со прекрасни аранжмани, во изведба на вокално-инструменталниот состав „Ад либитум арт“ од Битола, ја воодушевија кривопаланечката публика.

Храбрите пожарникари, кои 24 часа дневно се на располагање за разновидни интервенции, вчера го одбележаа 20 Мај, Денот на пожарникарите. Присутните имаа можност да се запознаат и да го разгледаат нивниот возен парк и техничката опременост на бригадата, а за најмалите посетители, пожарникарите одржаа интересна презентација за пожарите и превенцијата од нив.

Во просториите на Л.У.Градски Музеј (голема сала) вчера беше промовирана стихозбирката „Разговор со животот“ од нашата сограѓанка Оливера Станковска. За поетската креативност на Станковска, зборуваше критичарот Трајче Кацарев, а дел од стиховите на поетесата пред присутните ги интерпретираше актерот Страшко Милошевски, познат и признат како еден од најдобрите рецитатори на пишаниот збор.