Општина Крива Паланка нуди различни административни, општински и електронски услуги за граѓаните и правните лица.

Во Регистарот на услуги на Општина Крива Паланка можете да најдете информации за постапките, потребната документација и обрасците за повеќе услуги, меѓу кои: Издавање одобренија за адаптација, надградба и реконструкција на објекти, Данок на промет на недвижности, Заверка на норматив за угостителски објект, Враќање на погрешно уплатени средства, Согласности и одобренија за прекоп на јавни површини и други услуги.

За секоја услуга можете да ги отворите деталните информации и да ги преземете достапните обрасци и документи. Потребната документација зависи од конкретната услуга што ја барате.

Посетете го регистарот на услуги на следниот ЛИНК.

Одлуките и обрасците за локалните даноци и локалните такси се објавени на страницата Даноци и такси, од каде можете да ги преземете.

Данок на промет на недвижности — потребни документи

При договор за купопродажба потребно е да поднесете: Даночна пријава (образец ДП) со платена административна такса од 300 денари на уплатна сметка 840-138-03182, приходна шифра 722315, цел на дознака „заверка на пријава“; договор за купопродажба во 3 до 5 примероци, зависно од бројот на странки во предметот, потпишани од договорните страни, имотен лист во 2 примерока (еден оригинал и една фотокопија), не постар од 6 месеци, на име на сопственикот, барање со такса од 100 денари за секоја договорна страна, на истата сметка и шифра, за издавање уверенија.

Посебни услови важат и за правосилна судска одлука, стечајно или извршно решение, како и за договор за доживотна издршка — целосниот список е на страницата на Одделението за финансии, буџет и администрирање со даноци и имот.

Како можам да го платам данокот на имот?

Данокот на имот можете да го платите со банкарска картичка во даночното одделение на Општина Крива Паланка или директно во банка, со приложување на даночното решение

Општина Крива Паланка доделува еднократна парична помош, субвенции и други финансиски поволности за различни категории граѓани.

Во рамки на програмите за 2026 година се предвидени: За новороденче – 15.000 денари, за првоодделенче – 3.000 денари, за матуранти во СОУ „Ѓорче Петров“ – 3.000 денари, за набавка на велосипед за млади – 4.000 денари, за ученици запишани во прва година во СОУ „Ѓорче Петров“ – 2.000 денари месечно, во период од девет месеци, за студенти до 29 години – субвенции за набавка на дигитални уреди до 6.000 денари, за млади невработени лица до 29 години – субвенции за набавка на дигитални уреди до 9.000 денари, стипендии за талентирани ученици, студенти и спортисти, субвенциониран превоз за студенти, еднократна парична помош за лица во социјален ризик, бесплатно летување за деца од 7 до 14 години.

За секоја мерка се утврдени посебни услови, потребна документација и рокови за аплицирање. Повеќе информации, јавни повици, услови и обрасци можете да најдете на официјалната страница: Еднократна парична помош и субвенции – Општина Крива Паланка

Контакт податоците на Општина Крива Паланка се:

• Адреса: ул. „Св. Јоаким Осоговски“ 175, Крива Паланка
• Телефон/факс: +389 31 375 035
• Е-пошта: opkp@krivapalanka.gov.mk

Градоначалникот на Општина Крива Паланка, Сашко Митовски, одржува редовни приемни денови за средби со граѓаните ској вторник и четвртокод 08:00 до 10:00 часот.

Приемите се остваруваат исклучиво со претходно закажан термин. Закажете го вашиот термин преку телефон на +389 31 375 035.

Повеќе информации можете да најдете на страницата за Контакт на вработени.