Општина Крива Паланка подготви родово одговорен буџет за 2025 година (со високи 60 % прифатени предлози од граѓаните) во консултација со граѓаните

Денес во атриум салата  на ООУ  ,,Јоаким Крчовски,,  зграда  Партизан со  почеток во 12  часот, се одржа четвртата Форумска сесија од  родово одговорниот буџетски форум за подготовка на буџетот на општината за 2025 година заедно со граѓаните.

На оваа форумска сесија беа презентирани севкупните резултати, предлозите и препораките  на граѓаните, произлезени од овогодинешниот родово одговорен буџетскиот форумски процес.

Во текот на форумските сесии, беа вкупно  презентирани  10 годишни програми,  од страна на присутните граѓани беа дадени вкупно 99  предлози, од кои 6  предлога не се во надлежност на општината, а 7 предлози  се повторуваат,  од повеќето работни групи што сведочи за важноста на предлозите за заедницата.  11 предлози дават целосна подршка на предлозите на општината. Од останатите 75 предлози  општината прифати 45 издржани и реални проекти, кои денес беа приоретизирани од страна на форумот.

Учеството на граѓаните  во форумот и придонесот кон заедничкото креирање на општинскиот буџет за 2025 година е многу значајно, зошто низ форумскиот процес сите заедно креираме буџет по мерка на граѓаните, кој е прилагоден на потребите на сите жители на Крива Паланка, на сите возрасни групи лица, вклучително и различните категории на  ранливи групи граѓани во заедницата,  пред сѐ, е родово -одговорен буџет.

На сите овие форумски сесии транспарентно, одговорно и посветено беа разгледани, детално и стратешките развојни приоритети на општината и низ процесот на  дискусија и предлагање на граѓански предлози и приоритети успешно  заокруживме  форум, кој креира буџет, кој стремиме да одговори  на  потребите на сите граѓани, затоа што сите ние сме еднакви без разлика дали сме мажи, жени, млади стари со еднакви права  и должности,  но сме со различни потреби  и приоритети. Затоа е и нашата заложба за креирање родово одговорен буџет со кој ќе се алоцираат средства имајќи ги предвид потребите и приоритетите на различните категории на граѓани.

Препораките и предлозите што ги достави форумот до општината, ќе бидат земени предвид и ќе работиме во текот на следната календарска година, на изнаоѓање начини за нивно решавање и реализација.

Затоа, како резултат на форумскиот процес, Општината прифати и ќе реализира високи 60 % од предлозите на граѓаните, зошто ние сме локална власт, која единствено носи одлуки согласно потребите на граѓаните кои денес ги рангираа своите предлози, односно утврдија што е тоа што според граѓаните е нај приоритетно:

РАНГ ЛИСТА:

Општината продолжува  да  работи и да гради  подобра иднина за сите, за еднакви можности на жените и мажите од сите возрасти, продолжуваме заедно со граѓаните да работиме за поубава Крива Паланка и за идните генерации, нешто што многу често знае да го потенцира и каже Градоначалникот Сашко Митовски.

Во октомври-ноември, идната година, за кога е предвидена петата (последователна) сесија, Општината треба да даде отчет за реализација на граѓанските предлози и приоритети,произлезени од  овој форумски  процес.