Градоначалникот Борјанчо Мицевски денеска беше домаќин на својот колега од општина Босилеград од Р.Србија, градоначалникот Владимир Захаријев.
На средбата стана збор за можностите и перспективите за меѓусебна соработка на двете соседни општини од прекуграничниот регион, како и за иницирање на заеднички пристап кон поедноставување на процедурите за непречен премин на границата за луѓето кои потекнуваат од овој регион и кои поседуваат лични карти.
Исто така, на работната средба се разговараше и за можностите за заеднички пристап и аплицирање за средства од ИПА Програмата за прекугранична соработка на Европската Унија, како и за воспоставување на соработка во полето на културата, спортот и соработката со невладиниот сектор.
