Во текот на денешниот ден градоначалникот Мицевски имаше средба со градоначалничката на општина Бобов Дол од Р. Бугарија, г-ѓа Елза Величкова придружувана со членови од општинската администрација. Оваа средба послужи за поблиско запознавање на профилите на двете општини, разгледување на можностите за иницирање на проекти и активности во насока на подобрување на општите услови на живот за луѓето од двете општини, како и за изнаоѓање на теми и области за заеднички пристап до програмата за прегуграничнита соработка со Р.Бугарија.
-На мое општо задоволство, денес остваривме прва официјална средба со градоначалничката на Бобов Дол, Елза Величкова со која што разговаравме за она што е aктуелно, повикот по ИПА Програмата за прекугранична соработка на Европската Унија, помеѓу Бугарија и Македонија, а исто така стана збор и за други можности за соработка помеѓу двете општини. Секако тема на разговор беше и Коридорот 8, кој на наше општо задоволство се интензивира со актиелните политики на Владите на двете држави и затоа се надеваме дека сегашните дистанци помеѓу нашите општини ќе бидат значително скратени со изградба на железничката пруга и на останатата патна инфраструктура која ги поврзува двете општини, изјави градоначалникот Мицевски
Гостите изразија големо задоволство и пријатно изненадување од конструктивниот разговор и висока подготвеност за соработка на општина Крива Паланка
-Се надевам дека во најскоро време ќе изнајдеме допирни точки и ќе работиме на партнерски принцип и во насока на развивање на конкретни проекти и активности кои се во согласност со приоритетите за финансирање од страна на ИПА Програмата за прекугранична соработка, рече градоначалничката на Бобов Дол, г-ѓа Елза Величкова.
