Во Крива Паланка синоќа беше отворено десеттото, јубилејно издание на Меѓународниот театарски фестивал „Свети Јоаким Осоговски“, со вечер посветена на овогодишниот лауреат, познатиот македонски актер Благоја Чоревски.Осврт на неговото дело дадоа театарскиот критичар и селектор на фестивалот, Гоце Ристовски и Тодор Кузманов, театролог и театарски критичар.
-Тој e повеќе од четири децении присутен на театарската сцена во Македонија и на меѓународната културна сцена. Станува збор за добар актер и сериозен уметник. Чоревски израснува во квалитетен творец, посветен на професијата, предан, професионален, одговорен и прецизен во креацијата на улогите од кои голем дел остануваат да важат како антологиски и му го гарантираат заслуженото место во пантеонот на македонското глумиште и макеоднскиот театар, воопшто – рече Кузманов.
Чоревски е на сцената уште од неговата шеста година, потекнува од најтеатарското семејство во Македонија и има запишано повеќе од сто улоги. Неговиот татко е основоположник на македонскиот театар и актер во првата претстава на македонски јазик „Платон Кречет“.
-Она што на некаков начин ние симболички го правиме со врачувањето на ова признание е метафоричко одбележување да те носи по патеките на вашата супериорност и посакувам секаде да ве следи ореолот на Свети Јоаким Осоговски и на сцените во вашата супериорна актерска кариера, но се разбира, и секаде во животот – порача Ристовски.
Чоревски се заблагодари на честа да биде лауреат на јубилејното еднодецениско постоење на фестивалот и рече дека ова признание многу му значи.
-Кога го добив ова признание и кога видов кој се застанал на оваа сцена да го добие, почнувајќи од мојата мајка, колешка и партнер на сцената, големата Милица Стојанова, бев особено трогнат. Нам, на актерите, секое признание, секое мало хартииче ни е особено драго. Навистина многу ми значи, среќни се тие што ја имаат, и се надевам дека секогаш ќе ја доделувате на лицата со вистински вредности – рече Чоревски.
Јубилејни награди по повод десетгодишнината на фестивалот им беа врачени на доајенот на македонското актерство, Милица Стојанова, Страшо Милошевски, актер и девет години уметнички директор на фестивалот, Гоце Ристовски, драмски критичар, новинар, публицист, драматург, Антонито Давитковски, координатор на проектот, Стојанче Величковски, автор на фестивалските плакати, фотограф и уметник и на водителот и афирматор на фестивалот, Жаклина Цветковска.
Актерската дива по потекло од Крива Паланка, Милица Стојанова, присутните ги почести со краток монолог во знак на благодарност за прзнанијата на сите добитници.
-Убавината на театарот не е само тоа што, како велат, живот значи, туку и во неповторливоста на мигот на изведбата, миг на уметноста кој ја надживува вечноста. А актерот е тоа величество на театарот кој со неговата скромност, почитуван колку што е во ова наше општество, зашто според мене, театарот не е на тоа рамниште кое го заслужува, не му значат ниту финансиите, ниту наградите и останати признанија, туку живее само за аплаузот и тоа е таа убавина и таа човечност која живее во сите вас, овде присутни и во сите актери – рече Борјанчо Мицевски, градоначалник на Крива Паланка, прогласувајќи го за отворено десеттото јубилејно издание на фестивалот.
Тој се заблагодари на сите заслужни за досегашниот добар тек и раст на фестивалот во деценијата зад нас и посака фестивалот да слави стотици јубилеи.
Фестивалот ќе трае седум дена, а ќе настапат девет театраски куќи и актерски ансамбли од Бугарија, Хрватска, Србија и Македонија.
Поставени се cookies на Вашиот уред со цел да подобри функционалноста на оваа веб страница. На нашата веб страница користиме колачиња за да Ви дадеме најрелевантно искуство со
запомнување на Вашите преференци и повторени посети.
Полиса за колачиња
Задолжителни Сесиските колачиња се привремени колачиња, кои се зачувуваат во датотеката на колачето на
Вашиот интернет пребарувач додека не ја завршите сесијата на него. Овие колачиња се
задолжителни за одредени апликации или функционалности на нашата веб-страница за нејзина
правилна работа.Сесиските колачиња се користат со цел да Ви овозможиме да ги добиете
услугите кои сте ги побарале преку нашата веб страница. Без овие колачиња, услугите кои сте
ги побарале нема да може да Ви бидат испорачани. Овие колачиња автоматски ќе бидат
избришани од Вашиот уред со прекинување на тековната сесија или затворање на
прелистувачот. Овие колачиња може да се користат за запомнување на Вашите претходни
активности како што е на пример пополнување на апликација за вработување („Apply for this
job“), при враќање на претходната страница за време на истата сесија (користење на „go back“
опција).
