Здружението „Осоговски акцијаши“ од Крива Паланка во текот на вчерашниот ден започна со реализација на акција за фарбање на оградите на мостовите на Крива Река и Дурачка Река.
Акцијата започна со фарбање на оградатa на Соларски мост на Дурачка Река. Oваа активност за разубавување и фарбање на оградите на мостови и други јавни објекти Здружението ја реализира во соработка и координација со стручните служби на Општина Крива Паланка и таа ќе продолжи и во наредниот период во зависност од временските услови.
Локалната самоуправа досега изврши голем број на вакви и слични еколошки акции за собирање на смет, чистење, уредување и разубавување на јавните површини кои се под нејзина надлежност, во повеќе месни и урбани заедници, а нејзини партнери и соработници во спроведување на тие активности, покрај бројните други учесници беа и членовите на ова волонтерско здружение.
Фарбањето на оградите на мостовите ќе биде во жолта боја заради подобра видливост во вечерните часови и безбедност на сите учесници во сообраќајот.
