Во општинската сала на Крива Паланка денес се одржа промотивна прес конференција за најава на престојното петто издание на фестивалот на детска песна „Распеано симитче“.
Организатор на фестивалот е Центарот за аудиовизуелни уметности од Крива Паланка, а покровител и соработник е Општина Крива Паланка, со логистичка поддршка од страна на НУ Центар за култура и ЛУ Градски музеј од Крива Паланка.
Директор на фестивалот е Методиј Цветковски, а продуценти на музичкиот материјал се Сашо Митковски и Игор Трајковски. На фестивалот ќе бидат изведени вкупно 15 нови и квалитетни песни од авторите Игор Трајковски, Снежана Николовска, Лариса Жулина Митовски, Билјана Антовска, Гордан Спасовски, Анета Санев и Филип Додевски.
Фестивалот на детска песна „Распеано симитче“ ќе се одвива во текот на наредните два дена, (вторник и среда) 24 и 25 декември во НУ Центар за култура. За утрешното издание планирани се три престави и тоа: првата со почеток од 11.00 часот, втората со почеток од 14.00 и третата претстава од 18.00 часот. За среда (25.12.2019г.) планирани се две претстави со почеток од 12.00 часот и од 18.00 ч. Билетите ќе бидат пуштени во продажба два часа пред преставите, а ќе се продаваат на билетарницата во НУ Центар за култура.
На пресот присувствуваше и градоначалникот на Крива Паланка, Борјанчо Мицевски, кој посака успешна реализација на ова издание на фестивалот и во ова прлика изјави:
-Морам да кажам дека Општина Крива Паланка несомнено прераснува во фестивалски град со голем број на квалитетни фестивалски манифестации, кои траидиционално се одржувааат секоја година и затоа како градоначалник особено сум благодарен, како на организаторите и поддржувачите, така и на публиката и јавноста која со голем интерес ги следи сите овие настани.
Со реализацијата на овој фестивал на детска песна ја збогативме и културната понуда на градот, а целата која ја постигнуваме е созадавње на еден нов формат на музичко изразување кај најмладите генерации, како и создавање на сцена за нивен јавен настап, со креирање на квалитетни културни навики на кривопаланечката публика, која со нетрпение и голем интерес го следи ова несекојдневно музичко збиднување во нашиот град. А воедно, на младите учесници изведувачи на песни, им даваме можност за прв настап на сцена и создавање на први искуства во тој поглед.
Директорката на центарот за култура, Мира Ѓеорѓиевска изјави дека Крива Паланка, освен по симитот полека почнува да станува препознатлива и по фестивалот „Распеано Симитче“ , а годинава ќе имаме многу детски хитиови, кои ќе се пеат не само во Крива Паланка туку и низ целата држава и за тоа ни е потребна малку поголема презентација и медиумска поддршка, а НУ Центар за култура ќе биде местото за промоција на најновите 15 хита од овој фестивал.
Како што најави директорот на фестивалот, Методи Цветковски, и оваа година се работи на медиумска промоција и за таа цел ќе се издаде аудио издание- ЦД кое ќе биде пуштено во продажба и на самиот фестивал, а целиот фестивал ќе се снима и од тој матријал ќе биде изадено и ДВД издание. Исто така се планира и телевизиска поддршка на фестивалот со понатамошно емитување на целиот фестивал, како и промоција преку социјалните медиуми.
