Големина на фонт
Контраст

Министерот Оливер Спасовски во посета на ОВР Крива Паланка

Министерот за внатрешни работи Оливер Спасовски, во придружба на вицепремиерот Љупчо Николовски,  заменик директорот на Бирото за јавна безбедност Ариф Асани и градоначалникот Борјанчо Мицевски, денес на првиот ден во Новата 2021 година, остварија официјална пoсета на ОВР Крива Паланка.

При посетата, министерот се информираше за јавниот ред и мир и безбедноста за време на новогодишната ноќ. Посетата беше искористена да се направи обиколка на завршените работни активности за реконструкција на фасадата и внатрешноста на објектот на ОВР Крива Паланка, кој се реновира по цели 30 години.Вредноста на инвестицијата е околу 9.000.000 денари.

Во оваа прилика делегациите положија свежо цвеќе на споменикот на паднатите припадници на МВР од Крива Паланка во конфликтот во 2001 година.