Јавното претпријатие „Комуналец” од Крива Паланка врши замена на старите корпи за отпадоци поставени
во централното градско подрачје.
Поставени се десетина нови пластични садови за отпад, а активноста ќе трае и во текот на следните денови.
– ЈП „Комуналец” изврши набавка на пластични садови за отпад од 50 литри со сопствени финансиски средства, при што на повеќе локации низ градот се изврши замена на старите и оштетени садови со нови. Опфатен е потегот на главната улица „Св. Јоаким Осоговски”, реонот кај полициската станица, а оваа замена на старите садови со нови ќе трае и претстојните денови, изјави директорот на ЈП Комуналец, Миле Марковски.
Вработените во секторот паркови и зеленило на јавното претпријатие деновиве вршат кастрење и кроење на дрвата од дрворедот долж главната улица, а редовно, се врши хортикултурно уредување на јавните површини во градот, засадување пролетно цвеќе и освежување на цветните декоративни форми на повеќе локации во градот, како и формирање нови.
