Општина Крива Паланка е рангирана на третото место, покрај општините Карпош и Кочани, според резултатите од конкурсот за избор на најеколошка општина за 2020 година, кој традиционално го распишуваат „Пакомак“ и „Балкан еко институт“.
Рангирањето е направено врз основа на голем број на критериуми како што се: количини на соберен селектиран отпад како од домаќинставта така и од деловни субјекти и училишта, висини на средства во општинскиот буџет предвиден за реализација на еко проекти и активности, спроведени еко активности за чистење на диви депонии, број на реализирани еко проекти, реализирани еко кампањи, уредени зелени површини, квалитет на инспекциски надзори и контроли и слично.
Овој примат општината го доби како резултат на својата посветеност во зачувувањето и унапредувањето на животната средина, одржливиот развој како и креирањето на навики за постапувањето со разните видови на отпад.
Трите најдобро рангирани општини ќе бидат наградени од страна на „Пакомак“ и „Шпаркасе банка“ со соодветни еко награди.
