Градоначалникот на Општина Крива Паланка ги претстави позитивните практики на Општина Крива Паланка во прекуграничната соработка со Србија и партнерството со збратимениот Град Лесковац во Europe House Крива Паланка.
Градоначалникот Митовски присуствуваше на завршна конференција од прекуграничниот проект „Социјални претпријатија за економски развој и социјална инклузија“ што се спроведува во партнерство на здруженијата “АРНО” од Северна Македонија, Оптимист од Република Србија и Tраг фондација (координатор) финансиран од Европската унија преку Секторот за договарање и финансирање на програми од средства на ЕУ на Министерството за финансии на Република Србија (ИПА 2 програма за прекугранична соработка Република Србија-Северна Македонија 2016-2020).
Со збратимениот Град Лесковсац, Србија, Општина Крива Паланка оствари успешна соработка на проектот „Поврзување на бисерите“, а веќе аплициравме и нов проект за нови успешни регионални приказни и интегриран пристап во промоција на вредностите и потенцијалите што не карактеризираат, истовремено отворајќи нови перспективи и можности за рурален, еко-туризам, гастрономски туризам и локален економски развој.
На настанот, симболично со панелистите засадија семе “пркос” од био-разградливи картички продукт на социјално-претпријатие од државата, формирано во проектниoт циклус.
Можностите што ги нуди ЕУ-прекуграничната програма за соработка со нашите соседи се нови можности за развој на нашите заедници.
