Територијалната противпожарна единица од Крива Паланка денес доби нова опрема, донација од Р Словенија.
Словенската донација за ТППЕ Крива Паланка, е резултат на воспоставената меѓуопштинска соработка помеѓу Општина Крива Паланка и општина Врхника од Р. Словенија, а на иницијатива на нашиот сограѓанин Дејан Миленковски.
Со оваа донација обезбедени се нови повеќенаменски ламбира, работни униформи, ранци за прва помош, алатки за отстанување стакло, воздушни перничиња, изолациони апарати и маски и бројни други потребни додатни алати и опрема, кои се потребни за пожарникарите од ТППЕ Крива Паланка.
