Општина Крива Паланка со големо задоволство го најавува новото издание на -НОВОГОДИШЕНИОТ БАЗАР 2023/2024.
Најавуваме нови незаборавни моменти и загарантирана забава за сите генерации.
Стартуваме на 22.12.2023-петок, на Градскиот плоштад од 19:00 часот.
„Новогодишниот базар’ започнува со викенд програма во првите три дена, а забавата е загарантирана сѐ до 30.12.2023 г.
Програмата ќе понуди бројни настапи на наши, македонски, изведувачи и бендови, а најмладите и тинејџерите ќе уживаат во креираната за нив забавна шема: детски претстави, концерти, жонглери, комични настапи и секогаш спектакуларното пристигнување на Дедо мраз на 30.12.2023, сабота.
Топло и срдечно ќе Ве дочекаат нашите вредни паланчани, со: греано вино, германски колбас, вафли, топол чај,чварки и пивтии, детски реквизити и многу други содржини.
Општина Крива Паланка ги поканува сите добронамерници да дојдат, и заеднички да ја проследиме и да уживаме во богатата културна програма и во новогодишните убавини што ги нуди најубавиот град-Крива Паланка.
