Градоначалникот Сашко Митовски денес заедно со Наум Поцев, кој годинава го извлече Богојавленскиот свет крст од Крива Река, го посети нашиот сограѓанин Игор Младеновски, лице со Даунов синдром и неговата самохрана мајка Рушка, каде заеднички го донираа телевизорот, наградата доделена од страна на општината.
„Грижа за заедницата и хуманите дела нека бидат наша одлика. Да продолжиме да бидеме хумани, да донираме и да помогнеме за оние, на кои им е потребна помош. Нашиот мал хуман гест, некому значи многу“.
„Направи едно добро дело и фрли го во морето, брановите на животот кога тогаш ќе ти го вратат “, оваа максима нека ни биде животна водилка за добри и хумани дела, изјави градоначалникот Митовски во оваа прилика.
Мајката Рушка и синот Игор Младеновски изразија благодарност до градоначалникот Сашко Митовски и Наум Поцев, за идејата, поддршката, за желбата и за убавиот гест и донираната награда и воедно упатија честитки до градоначалникот, за прекрасната организација на големиот христијански празник, Богојавление – Водици.
