Во завршна фаза се градежните активности за реализација на проектот за изградба и регулација на Домачки Дол, во должина од околу 830 м. каде се инвестирани вкупно 7 милиони денари за изградба и регулирање на долот.
Истовремено, во соработка со ЕВН, се завршуваат активностите за изместување на линијата на електро-дистибутивна мрежа, со што конечно го решаваме проблемот во напојување со електрична енергија на домаќинствата, како и заштитата од наноси и порои, што се долгогодишни проблеми на жителите од овој реон на градот.
