Во духот на Велигденските празници, на Градскиот плоштад во Крива Паланка, во недела се одржа Велигденската традиција 2024, исполнета со одлична атмосфера, позитивна енергија и празнична свеченост помеѓу присутните кривопаланчани.
Верни на традицијата и обединети во верата и обичаите, граѓаните разменија Велигденски честитки, изразувајќи желби за добро здравје, среќа и благосостојба, а од името на Општина Крива Паланка и градоначалникот Сашко Митовски беа поделени велигденски јајца на сите присутни.
На Велигденската градска прослава традиционално се одржаа и Велигденските забавни игри на кои учествуваа најмладите, а најуспешните добија благодарници и тоа:
- Божил Митовски и Константин Митовски-за играта „Носење балон“.
- Леон Станковски- за играта „Носење јајце во лажица“ и
- Константин Митовски- за најцврсто велигденско јајце
Традицијата и свечената атмосфера на Велигден ја збогатија бројните изработки на Велигденскиот базар, а благодарници добија:
За Велигденски декорации:
Насмеано сонце- прво место
Светлина – второ место
Ѕвончиња- трето место
За најубаво велигденско јајце:
Велигденски зајачиња- прво место (Теодора Станковска)
Велигденско цвеќе – второ место (Нина Михајловска)
Велигденско пиле – трето место (Јована Станојковска)
Прославата беше збогатена со велигденски концерт на Дејви и бенд.
Организатор на Велигденската традиција е ЛУ Градски музеј, под покровителство на Општина Крива Паланка, а годинава се организира во рамките на манифестацијата „Крива Паланка-Град на културата 2024“.
