Во организација на Националната установа Центар за култура Крива Паланка, на 14 август 2024 година, на летната сцена во градскиот парк ќе се одржи Меѓународната поетска манифестација “Лирски треперења”.
Манифестацијата со традиција на одржување повеќе од една деценија во “Градот на културата” ќе донесе стихови од бројни македонски автори и автори – учесници од соседството, од Република Бугарија.
Настанот е закажан за 20:00 часот, а публиката и љубителите на книжевноста што ќе присуствуваат на летната сцена на Градскиот плоштад ќе можат да уживаат поезијата од искусни и современи поети од: Штип , Струмица, Велес, Скопје, Крива Паланка и Ќустендил, надополнета со поетски изблици од надежните млади поети од нашиот град, ќе понудат трепетлива лирска вечер во августовската квечерина.
Настанот е дел од манифестацијата “Кривопаланечко културно лето” и “Крива Паланка – Град на културата”.
