За првпат Општина Крива Паланка доби парк за миленици во кој се поставени реквизити и содржини за активно дружење со милениците и соодветна урбана опрема, односно клупи и корпи за отпадоци.
Со изградбата на овој парк, ќе им се излезе во пресрет на сопствениците на домашни миленици, создавајќи соодветни услови за нивна рекреација.
Паркот е сместен во рамките на спортскиот компекс, каде воедно е изградено и ново детско урбано катче со мека подлога, модерни реквизити за забава и игра, а поставен е и првиот зип лајн за рекреација на најмладите во градот.
Уредената јавна површина за овие намени, е со вкупна површина од 805 м2, а финансиските средства се обезбедени од Буџетот на Општина крива Паланка.
