Општина Крива Паланка со големо задоволство го најавува новото издание на -НОВОГОДИШЕНИОТ БАЗАР 2024/25.
Најавуваме нови незаборавни моменти и загарантирана забава за сите генерации. Стартуваме на 26.12.2024-четврток, на Градскиот плоштад од 19:00 часот со настапот на популарното македонско дуо „Некст Тајм“.
„Новогодишниот базар“ започнува со викенд програма во првите три дена, а забавата е загарантирана сѐ до 31.12.2024г.
Програмата ќе понуди бројни настапи на македонски изведувачи и бендови, а најмладите и тинејџерите ќе уживаат во креираната за нив забавна шема: детски претстави, концерти, жонглери, комични настапи и секогаш спектакуларното пристигнување на Дедо Мраз на 31.12.2024, вторник.
Општина Крива Паланка ги поканува сите добронамерници да дојдат, и заеднички да ја проследиме и да уживаме во богатата културна програма и во новогодишните убавини што ги нуди најубавиот град-Крива Паланка.
