Започна богатата забавна програма за кривопаланчани на отворено, на градскиот плоштад, во рамки на Новогодишниот базар. На првата вечер кривопланчани од сите генерации одлично се забавуваа со извонредниот концерт на музичкиот бенд „Некст Тајм“, а денес следува дневана доза на музика и забава за најмладите.
За нив, Општината организише настап на хит новогодишната претстава за деца ,,Снежана и Дедо Мраз,” која во моментот е една од најбараните новогодишни претстави за деца. Потоа следува настап на солистите од најновото издание на Детскиот музички фестивал „Распеано симитче“ и хорот „Симитчиња“, како и презентација на кретивни новогодишни изработки на учениците од основните училишта „Св. Јоаким Крчовски“, „Илинден“ и гимназијата СОУ „Ѓорче Петров“.
Вечерната забава е загарантирана со настапот на омилениот македонски поп изведувач Влатко Лозановски.
Придружете ни се за уште еден незаборавен ден полн со радост и забава!