Градоначалникот Сашко Митовски заедно со претседателаката на Советот на општина Крива Паланка, Изабела Павловска, традиционално во пресрет на новогодишните празници ги посетија најмалите жители на општината, во трите клона од градинката „Детелинка“ и поделија новогодишни пакетчиња на дечињата посакувајќи им добро здравје и среќно и безгрижно детство.
Децата се заблагодарија на подароците, и за присутните изведоа пригодна програма каде се претставија со песнички за Новата година и ги искажаа сопствените желби за подарок, што го очекуваат од Дедо Мраз.
Градоначалникот во оваа прилика потенцираше дека општината продолжува со проекти за подобрување на квалитетот на работата во образованието и во изградбата на детска инфраструктура во сите населени места, а посебно внимание секогаш им се посветува на најмалите, и воедно сите присутни и вработени во градинката им ја честита Новата година.