Градоначалникот на Општина Крива Паланка, Сашко Митовски и претседателката на Советот, Изабела Павловска, ги врачија признанијата за најдобрите медицински работници, полицаец, пожарникар, работник, земјоделец и спортист од општината во 2024 година.
Признанија за најдобри здравствени работници добија тројца специјалисти од Здравствен дом, Крива Паланка: прим. д-р Сретимир Николовски, специјалст интернист, д-р Милка Митовска, специјалист по радиодијагностика и д-р Драга Стоилковска, специјалист дерматовенеролог.
За најдобра воспитувачка од детската градинка “Детелинка” признание ѝ беше врачено на Бранкица Станковска, за најдобар полициски службеник – Јонче Стојчевски, ОВР Крива Паланка, ПС од општа надлежност, а најдобар пожарникар, Бобан Младеновски, ТППЕ Крива Паланка.
Најдобар земјоделец е прогласен Ванчо Велковски, признание за најдобар работник за 2024 му беше врачено на Орце Спасовски, ЈП Комуналец, а за најдобар спортист, Александар Јакимовски, пингпонгар, ППК ” Крива Паланка”.
-Признанијата се доделуваат за исклучителни резултати во реализација на бројните работни задачи, давајќи значаен придонес во остварувањето на работата, секој во својата област,за човечноста и пожртвуваноста, посветеноста во работата, мотивирајќи со својот личен пример, за врвни резултати во спортот и афирмација на општината во национални и светски рамки. Им посакуваме добро здравје и успеси во новата, 2025 година, со желба да продолжат со својата посветена работа во интерес на граѓаните и со заложбите за постигнување нови успеси, порача градоначалникот Митовски.
Признанијата се доделуваат традиционално, на крајот од годината, за посебни заслуги, хуманажа и пожртвувана работа, за постигнувањата и заложбите со кои овие работници од различни области се истакнуваат во своите колективи и заедницата.