Друштвото за управување со отпад ,, ЕЛКОЛЕКТ доо Скопје ,, е национален лиценциран постапувач со отпадна електрична и електронска опрема или така наречениот Е-отпад.
Елколект е повеќе годишен партнер на Општина Крива Паланка за исполнување на националните цели за одржливо управување со Е-отпадот ,преку обезбедување и воспоставување на соодветен функционален собирен систем за овој вид на отпад.
Со цел заштита на животната средина , животот и здравјето на луѓето и зачувување на природата Елколект заедно со десет општини во државата, меѓу кои и со општина Крива Паланка, организира Голема пролетна еколошка акција за собирање на неупотреблив електронски отпад и отпадна електронска опрема.
За оваа цел наведената компанија веќе има поставено неколку контејнери заелектронски отпад на подрачјето на општина Крива Паланка .
Акцијата започнува на 01 април и ќе трае до 30 јуни 2025 година односно три месеци.
Собирни местаза наведениот вид на отпад се следниве:
– пред Автобуска станица до кејскиот ѕид
– пред домот за ученици Боро Менков ( интернат )
– дворно место на колективни станбени згради Бавчалк
– пред Спомен костурница ( спроти Македонија пат)
– на почеток на регулација на Крива Река
Сите граѓани се поканети да го донесат својот непотребен , искористен и нефункционален електричен и електронски отпад и да дадат свој придонес кон почиста животна средина . Да ги исчистиме подрумите, гаражите и просториите од сувишен, непотребен и опасен отпад.
Исто времено од страна на Елколек на Општина Крива Паланка се доставени и пет пластични зелени контејнери,со зафатнина 1.1 м2 за комунален отпад , кои ќе бидат поставени на локациите за отпад покрај магистралната улица во централното градско подрачје .
Да бидеме опшествено одговорни и да постапуваме со отпадот согласно законите.
