Почитувани сограѓани,
Имаме чест и задоволство да Ве поканиме на настан кој е еден од најзначајните културни збиднувања во општината и пошироко, VI –МЕЃУНАРОДЕН ТЕАТАРСКИ ФЕСТИВАЛ СВЕТИ ЈОАКИМ ОСОГОВСКИ (14-22 септември 2014).
Свеченото отварање на шестиот Меѓународeн театaрски фестивал „Св.Јоаким Осоговски“ е на 14.09.2014 г. (недела) со почеток во 19 часот, во просториите на НУ Центар за култура Крива Паланка.
Театарскиот фестивал и оваа година ја остварува својата хумана мисија и паричните средства собрани од продажбата на билети за театарските претстави, во договор со Меѓуопштинскиот центар за социјални работи, ќе бидат наменети за хуманитарна цел. Цената на еден билет е со симболична сума од 50 денари и купувајќи билет сите ние всушност ја покажуваме нашата поддршка и хуманост.