На идеја на учениците од 4-та година од СОУ „Ѓорче Петров“, беше побарана средба со градоначалникот на општина Крива Паланка Арсенчо Алексовски со цел одблиску да се запознаат со активностите на локалната самоуправа како и да дадат неколку корисни предлози за надминување на конкретни проблеми со кои секојдневно се соочуваат граѓаните на Крива Паланка.
[embpicasa id=”6132021630077028385″]
За таа цел денеска во 13.30 часот со почнување на класниот час градоначалникот Арсенчо Алексовски заедно со претставници од општинската администрација и директорот на СОУ „Ѓорче Петров“, Миле Милковски, остварија средба со по пет претставници од секоја паралелка од 4-та година. На средбата учениците му поставија прашања на градоначалникот за:
– Условите за одвивање на спортски тренизи во салата во ООУ „Илинден“
– Можност за продолжување на велосипедска-ролерската патека
– Изразија интерес за решавање на проблемот со недостатокот на паркинг простор во Крива Паланка преку изградба на катна гаража
– Решавање на проблемот со кучињата скитници
Беше побарана и информација за напредокот на спортско рекреативниот центар на Осоговските Планини за на крајот градоначалникот да презентира неколку идеи кои се во напредна фаза на реализација и се во интерес на младите.
Градоначалникот даде исцрпни одговори на горенаведените прашања при што постигна согласност со учениците овој вид на средба да продолжи и понатаму